Futbollisti i suksesshëm shqiptar në Çeki

Dibrani Qazim Laçi është shqiptari i suksesshëm i futbollit çek, sepse pas titullit kampion, u bë edhe fitues i Kupës së Republikës Çeke, shkruan albinfo.ch.

Mesfushori i talentuar dha një asis për gol dhe skuadra e tij fitoi 2-1 me Viktoria Plzen.

Mediat vendase e përcaktuan atë si mesfushorin më të mirë të një dekade. Së bashku me të, edhe futbollisti tjetër shqiptar, Indrit Tuci, kishte meritën e një suksesi të tillë, duke na rritur krenarinë edhe në një vend të huaj.

Pritet që edhe në EURO 2024 ky futbollist të shpalosë energjitë dhe vlerat e tij, duke na dhuruar rezultate pozitive dhe ndeshje të bukura. /Albinfo.ch