Zvicra mbështet planin e ri për armëpushim në Gaza

Keystone EPA/ATEF SAFADI

Zvicra ka mirëpritur planin e Gazës, të paraqitur nga Shtetet e Bashkuara të Amerikës për një marrëveshje pengjesh dhe një armëpushim.

Nga Ministria e Punëve të Jashtme të Zvicrës kanë deklaruar se vendi e mbështet planin trefazor, transmeton albinfo.ch.

Në negociatat e ngecura për një armëpushim në luftën e Gazës, presidenti amerikan, Joe Biden, ka paraqitur një propozim të ri të premten dhe bëri thirrje për një marrëveshje. “Është koha për t’i dhënë fund kësaj lufte”.

Kreu i komunikimit në Ministrinë e Jashtme zvicerane, Nicolas Bideau, ka thënë se një perspektivë politike e bazuar në një zgjidhje me dy shtete duhet të rivendoset.

“Zvicra mbështet planin trefazor të Presidentit Biden për një armëpushim të menjëhershëm, lirimin e pengjeve mbajtur në Gaza, ndihma humanitare dhe një rrugë drejt një përfundimi afatgjatë të armiqësive”, ka shkruar ai në Twitter, përcjell SRF.

La🇨🇭soutient le plan en trois phases du président Biden pour un #cessezlefeu immédiat, la libération des otages détenus à #Gaza, l'aide humanitaire et un chemin vers une fin permanente des hostilités.
Il faut rétablir une perspective politique basée sur la solution à deux États.

— Nicolas Bideau (@Chef_Komm_Eda) June 1, 2024