Kuqezinjtë fitojnë miqësoren me Lihtenshtajnin

Shqipëria ka fituar miqësoren me Lihtenshtajnin me rezultat 3:0, shkruan albinfo.ch.

Golin e parë e shënoi sulmuesi Armando Broja, duke shfrytëzuar pakujdesinë e kundërshtarëve. Ndodhi kjo në minutën e 31-të, që ishte goli i vetëm në pjesën e parë.

Por, sa filloi pjesa e dytë, Jasir Asani shënoi super gol nga gjuajtja e lirë, përkatësisht në minutën e 47-të.

Ernest Muci shënoi golin e tretë dhe të fundit në këtë ndeshje.

Trajneri Sylvinho bëri shumë ndërrime, duke u dhënë hapësirë lojtarëve dhe duke i testuar para Evropianit.

Berat Gjimshiti, Taulant Seferi, Amir Abrashi, Ylber Ramadani dhe Simon Simoni, nuk ishin grumbulluar për këtë ndeshje, derisa miqësorja e radhës është ndaj Azerbajxhanit.

Kujtojmë se Shqipëria është në grup me Italinë, Spanjën e Kroacinë në Euro 2024.