Broja: Krenar si luajtëm, më vjen keq për eliminimin

Foto: FSHF

Sulmuesi i Kombëtares së Shqipërisë, Armando Broja, ka thënë se i vjen keq nuk ia doli t’i shfrytëzojë rastet e krijuara në humbjen ndaj Spanjës.

Kuqezinjtë mbrëmë u eliminuan nga EURO 2024 pas disfatës nga spanjollët (1:0), transmeton albinfo.ch.

Broja, i cili në lojë u futë në minutën e 59-të, thotë se nuk ishte i lehtë dueli me Spanjës, sepse sipas tij, ‘Furia e Kuqe’ është një nga kombëtaret më të forta në botë.

“Kisha dy ose tre raste për të shënuar, por njëra prej tyre ishte një mundësi e shkëlqyer. Më vjen shumë keq që nuk munda ta bëja”, ka thënë Broja.

“Spanja është një nga skuadrat më të forta në botë dhe nuk ishte e lehtë për ne. Ne patëm disa raste në këtë lojë, por i humbëm ato. Gjithsesi, unë jam krenar për mënyrën se si luajtëm”, ka përfunduar sulmuesi shqiptar.