Haradinaj me mesazh për mërgatën: Kosovës i duhet ndryshimi në qeverisje, ju meritoni më mirë

Ramush Haradinaj, Facebook

Kryetari i AAK-së Ramush Haradinaj përmes një mesazhi drejtuar mërgatës ka theksuar se do të donin shumë që këtë verë ta gjenin Kosovën ashtu siç e ëndërrojnë mërgata plr sipas tij, akoma është larg pritjeve..

“E di që kur të vini do të donit që Kosova të jetë sikur ai vendi prej nga vini e që të mos përballeshit as me kolonat e gjata e as me pluhurin e rrugët e pakryera për qytetet e lindjes si psh: për Gjilan, për Pejë, për Gjakovë, për Podujevë, për Mitrovicë e kështu me radhë, të cilat qeveria jonë i ka lënë përgjysmë, si edhe shumë punë të tjera. Ju jeni gjysma jonë dhe asnjëherë nuk do të jeni musafirë dhe sukseset e dështimet i kemi përbashkëta. Ju presim me bukë e krypë e zemër e ju urojmë pushime të mira në vendlindje. Të tjerat mos ja u falni e mos u besoni fjalëve të mira por boshe edhe një herë. Kosova dhe ju meritoni më mirë!”, ka shkruar Haradinaj në Facebook duke shtuar se Kosovës i duhet ndryshimi në qeverisje!