Vazhdon situata e rënduar me zjarret në Maqedoninë e Veriut

Në disa rajone të Maqedonisë së Veriut po vazhdon të jetë e rënduar situata me zjarret.

Tash e katër ditë qindra zjarrfikës, një helikopter dhe avionë po punojnë për të vënë në kontroll flakët në Gjurdjenci, teksa në ndihmë kanë shkuar dhe banorët e zonës, të cilët po përdorin gjith çfarë munden, përcjell Albinfo.ch.

Deri në këto momente nuk raportohen persona të lënduar, teksa dëmet në bujqësi dhe pemë frutore janë tepër të mëdha.

Edhe fqinji jugor i Maqedonisë së Veriut, Greqia, prej ditësh po lufton me zjarret e shkaktuara nga temperaturat në rritje dhe era e fortë./Albinfo.ch