Sfida në TikTok që rrezikon fëmijët, bëhet thirrje për kujdes

Autoriteti i Mediave Audiovizive në Shqipëri i bëri apel sot prindërve dhe adoleshentëve të kenë kujdes ndaj një sfide të publikuar në TikTok.

Kryetarja e Autoritetit të Medias Audiovizive, Armela Krasniqi, me anë të një postimi në rrjetet sociale shkruan se si pasojë e kësaj loje të rrezikshme brenda një dite mbi 20 adoleshentë në Rumani përfunduan në spital me fraktura të rënda.

Çfarë është Sfida e Supermenit?

Sfida qëndron tek hedhja përpara me një krah të zgjatur, si personazhi për fëmijë, Superman, për t’u kapur, ose jo, nga miqtë.

Më tej Krasniqi thekson që prindërit të kenë kujdes me fëmijët që të mos bien pre e sfidave të tilla.

“Përveçse rrezikoni shëndetin dhe, shpesh jetën, NUK ka asgjë argëtuese në to”, shkruan Armela Krasniqi.