Integrimi
Bendriti, kontratë për reklamim të kompanive “Samsung” dhe “Emmy”
I bërë i njohur fillimisht në komunitetin e facebook-ut, me videot e tij humoristike dhe ironike ku thumbonte zakonet e të huajve (më shumë) dhe të zviceranëve, shqiptari 19 vjeç Bendrit Bajra e kaloi shpejt fazën “amatore”. Duket se i riu me talent humori ka prirje edhe për biznes. Javë më parë ai mori një angazhim nga gazeta blick si autor i cili do të paraqitet një herë në javë me kontributet e tij dhe tash, Bendriti është angazhuar nga kompania e madhe e prodhimeve të qumështit “Emmi” në makinerinë e saj reklamuese.
Siç ka shkruar gazeta “Schweiz am Sonntag”, Bendritin madje e ka angazhuar si bartës imazhi edhe gjiganti Samsung. Ajo për këtë i referohet menaxheres së tij, Farah de Tomi Ndërsa Emmi si industria më e madhe e përpunimit të qumështit në vend do ta ketë shqiptarin e ri po ashtu bartës imazhi ashtu sikur e ka pasur më parë tenistin e madh Roger Federer ose këngëtarin DJ Bobo.
Marrë në tërësi, nga reklamat Bendrit Bajra mund të fitojë deri në 250 mijë franga, shkruan gazeta dhe transmeton albinfo.ch.
Ndërsa “punëdhënësi” më i ri i Bendritit, kompania “Emmy” ka besim se investimi i saj në komikun e ri do t`i shpaguhet. “`Emmy energy Milk` është një pije që konsumohet më së shumti nga të rinjtë. Pastaj ne në marketingun e këtij prodhimi praktikojmë një qasje komike, dhe pjesërisht ironike”, sqaron zëdhënësja e kompanisë Sibylle Umiker. Sipas saj, fansat e Bendritit dhe konsumuesit e “Emmi Energy Milk” kanë shumëçka të përbashkët. Bendriti nuk do të jetë reklamues klasik. Ai, gjatë fushatës reklamuese nga prilli deri në qershor do t`i shtrojë komunitetit të tij në facebook 5 detyra për t`i zgjidhur. Zgjidhjet duhet të kthehen si video.
Detyrën e parë ai tashmë e ka dërguar të dielën në faqen e facebook-ut të Emmi Energy Milch dhe shpreson të marrë si përgjigje ide të mira. Ndërsa shpërblimi që ofron ai për fituesin është “ekskluziv”: një vozitje me veturën BMW X6 të Bendritit!
Të tjera nga Integrimi
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Zvicër
-
Valais: Dy turistë vdesin si pasojë e një orteku – i treti mbijeton Të dielën, një ortek përfshiu dy turistë dhe si rrjedhojë të dy alpinistët humbën jetën. Një...
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave