Berat Sadik dhe Amir Abrashi mund të transferohen në Bundesligë

Berat Sadiku

Nga sezoni i ardhshëm Bundësligës gjermane mund t’i shtohen edhe dy futbollistë shqiptarë. Berat Sadik dhe Amir Abrashi janë duke u vëzhguar nga ekipet e Bundesligës.

Futbollisti shqiptar i FC Thun,  Berat Sadik, është duke kaluar një periudhë të shkëlqyer me ekipin e tij. Të shtunën ai ishte realizator i golit të parë në fitoren që FC Thun e fitoi kundër Vaduzit me rezultat 4-0. Ndonëse FC Thun gjendet në vendin e tretë në ligën zvicerane, për futbollistin shkupjan ndoshta ky mund të jetë edhe sezoni i tij i fundit

Gazeta zvicerane “Blick” shkruan se Berat Sadik është duke u kërkuar nga ekipi i Nurnbergut. Berati, i cili në të kaluarën e tij ka luajtur edhe për përfaqësuesen finlandeze, mund të transferohet në Bundesligën gjermane si lojtar i lirë, pasi që kontrata me skuadrën zvicerane i përfundon në fund të këtij sezoni, njofton albinfo.ch.

Përpos Beratit, Bundesliga gjermane është në kërkim edhe të një futbollisti tjetër shqiptar. Është fjala për Amir Abrashin. Gjithnjë sipas gazetës zvicerane, lojtari i Grasshopperit dhe përfaqësueses shqiptare është duke u karkuar nga Hannoveri, Werder Bremen i Bundesligës gjermane, si dhe nga Hajduk Split i Kroacisë.

Muaj më parë edhe vetë Amir Abrashi ka pas shfaqur dëshirën e tij për t’u transferuar në Werden Bremen. “Werden Bremen do të ishte një opsion i mirë për t’u transferuar gjatë verës”, kishte thënë Abrashi për mediat gjermane.

Albinfo.ch