Falet namazi i Fitër Bajramit në Lozanë

Në qendër të Lozanës, në organizim të Qendrës Shqiptare për Integrim Kulturor dhe Fetar, është bërë falja e namazit të Fitër Bajramit.

Bashkatdhetarë të shumtë u mblodhën në këtë sallë për të dëgjuar edhe ligjëratën e imamit.

Namazi i Fitër Bajramit u fal sot në Lozanë, duke filluar nga ora 07:53. Pas faljes, besimtarët u bashkuan në lutje dhe shkëmbyen urime me njëri-tjetrin.

Hytben e Fitër Bajramit e mbajti imami Fehim Abazi, kryetar i Qendrës Shqiptare për Integrim, Kulturë dhe Religjion në Lozanë, i cili në ligjëratën e tij përcolli mesazhe të rëndësishme për besimtarët.

Për herë të parë, falja e namazit u organizua jashtë objektit të Qendrës Shqiptare për Integrim, Kulturë dhe Religjion, për shkak të pjesëmarrjes së madhe. Ceremonia u mbajt në një sallë në qendër të Lozanës, duke krijuar kushte më të përshtatshme për të gjithë besimtarët.

Për më tepër, Qendra Shqiptare për Integrim, Kulturë dhe Religjion siguroi një transmetim të drejtpërdrejtë nga vendi i ngjarjes, duke u mundësuar edhe atyre që nuk ishin të pranishëm fizikisht të ndiqnin faljen dhe mesazhet e dhëna gjatë ceremonisë.

Ky organizim i suksesshëm është një dëshmi e rëndësisë së bashkimit dhe harmonisë brenda komunitetit shqiptar në Zvicër, si dhe e përkushtimit për ruajtjen e traditave fetare dhe kulturore.

Transmetimi direkt: