Rritje e vogël e shkallës së papunësisë

Gjatë muajit prill gjendja në tregun e punës në Zvicër ka shënuar një përkeqësim të vogël, të mëtejmë. Kështu, shkalla e papunësisë e regjistruar në fund të prillit ka qenë 3.3 për qind që përbën një rritje në krahasim me prillin e vitit 2014, kur ishte 3.2 për qind.
Gjatë muajit prill 2015 në entet për ndërmjetësim të punës ishin regjistruar 141 mijë persona si të papunë, shifër kjo që është për 4 mijë më e madhe se në prillin e vitit paraprak. Në dhjetë vitet e fundit, vetëm në prillin e vitit 2010 ishte shënuar një numër më i madh të papunësh se në prillin e këtij viti. Bëhej fjalë për pasojat e drejtpërdrejta të krizës globale financiare, raporton Sekretariati Shtetëror për Ekonomi i Zvicres (Seco) .
Si zakonisht, përkeqësimi më i madh sa i përket papunësisë sërish është regjistruar te të rinjtë deri në moshën 24 vjeçare.