Gjeneva vazhdon me shumicë të majtë në qeveri

Keystone

Raundi i dytë i zgjedhjeve për ekzekutivin e qytetit të Gjenevës, ka nxjerrë fituese të majtën. Kështu, Gjeneva, duke vazhduar traditën, edhe më tutje mbetet e qeverisur nga një shumicë e majtë.

Madje në qeveri, në raundin e dytë ka arritur të zgjidhet edhe kandidati i të majtës radikale (Alternativa e Majtë) Remy Pagani. Ai, në raundin e parë ka qenë në vendin e fundit, por, falë mbështetjes nga të gjelbrit dhe SP-ja ai, në raundin e dytë ka siguruar vendin në ekzekutivin e qytetit.

Përfundimisht, qeveria e qytetit të Gjenevës ka këtë përbërje: dy ministra nga PS/SP-ja, një nga të gjelbrit, një nga PLR dhe një nga Alternativa e Majtë. Ata janë: Sandrine Salerno dhe Sami Kanaan nga PS/SP, Guillaume Barazzone nga PLR, Ester Alder, të gjelbrit dhe Remy Pagani Alternativa e Majtë.