Shqipëria
CNN e cilëson “Zjerm” nga Shkodra Elektronike si këngën më të mirë të Eurovisionit 2025

Një vlerësim i veçantë vjen për Shqipërinë nga mediumi prestigjioz amerikan CNN, i cili në një artikull të publikuar të premten ka renditur këngën “Zjerm” të Shkodrës Elektronike si më të mirën e edicionit të sivjetmë të “Eurovision Song Contest”.
Në listën prej 26 këngësh finaliste, Shqipëria zë vendin e parë, duke u cilësuar si një surprizë e vërtetë nga autori i artikullit, Rob Picheta. “Dyshja më e papritur e këtij viti”, shkruan ai për Shkodrën Elektronike, grupi që përfaqëson vendin me një stil muzikor eksperimental dhe të pazakontë për skenën e Eurovisionit, shkruan CNN, transmeton albinfo.ch.
Në një deklaratë për CNN-in, këngëtarja Beatriçe Gjergji shprehu se pjesëmarrja në Eurovision nuk ka qenë pjesë e natyrës së zakonshme të muzikës së tyre, por pikërisht kjo ka qenë, sipas artikullit, çelësi i suksesit. “Eurovisioni në fakt nuk është një tip i muzikës sonë,” tha ajo, duke shtuar: “Nëse beson në llojin e muzikës që do, ndoshta mund të ndodhë diçka.”
Autori e përshkruan “Zjerm” si një krijim që “nuk i ngjan asnjë kënge tjetër në garë”, çka ka sjellë një valë entuziazmi dhe kurioziteti te publiku dhe fansat në rrjetet sociale. Sipas CNN-it, kjo veçantësi ka bërë që Shqipëria të dallohet dhe të marrë vëmendjen që meriton në një kompeticion ku shpesh mbizotërojnë formula të pritshme muzikore.
Finalja e “Eurovisionit” do të mbahet të shtunën mbrëma, dhe Shqipëria do të jetë shteti i fundit që do të performojë, duke mbyllur natën me një notë të fuqishme.
Pas Shqipërisë, në vend të dytë në listën e CNN-it renditet Austria me këngën “Wasted Love” nga JJ, ndërsa top-pesëshja plotësohet me Erika Vikman nga Finlanda me “Ich Komme”, Zoë Më nga Zvicra me “Voyage” dhe Louane nga Franca me “Maman”, transmeton albinfo.ch.
E-Diaspora
-
Konsullata e Kosovës në Shtutgart: Nuk ka informacione për viktima nga Kosova Pas aksidentit hekurudhor të ndodhur pranë qytetit Riedlingen në landin gjerman të Baden-Württemberg, ku një tren...
-
Veshalla e Tetovës mirëpret mërgimtarët në manifestimin tradicional “Votra jonë na bashkon”
-
Tragjedi në Ujman: Humb jetën mërgimtari 33 vjeçar pasi kërceu nga ura
-
Shqiptarët në Maqedoni të përjashtuar nga anketa zyrtare për diasporën
-
NZZ shkruan për ambasadorin e Kosovës në Bern, Mentor Latifin
Jeta në Zvicër
-
Zvicra nën reshje intensive, paralajmërime për përmbytje dhe rrëshqitje dheu në disa rajone Fillimi i javës ka sjellë një mot të ashpër dhe reshje të dendura në shumë pjesë...
-
Zvicër: Atraksionet që mbartin më shumë sasi rreziku
-
Sondazhi: Ja çfarë e bën Zvicrën të veçantë
-
Mbi 10,000 njerëz në mes të shiut, morën pjesë në Paradën e Liqenit të Gjenevës
-
Shi i rrëmbyeshëm në Zvicër: 160 raportime në Aargau, situatë e tensionuar në Glarus