Lajme
Zvicër: Dënimet me burgim të shkurtër pa pezullim ranë ndjeshëm në vitin 2024

Numri i dënimeve me burgim të shkurtër, pa pezullim, në Zvicër u përgjysmua gjatë vitit 2024, duke rënë nga gati 6,000 raste në vitin 2023 në pak mbi 3,000, sipas të dhënave të publikuara të martën nga Zyra Federale e Statistikave. Kjo rënie prej 48% vjen në një kohë kur numri i përgjithshëm i dënimeve penale mbetet i qëndrueshëm në 111,148 raste, ndërsa gjobat mbeten forma më e zakonshme e sanksioneve, shkruan RTS, transmeton albinfo.ch.
Sipas statistikave zyrtare, dënimet për shkelje të Kodit Penal ranë me 6%, me ulje të dukshme në veprat penale të dhunshme (–13%) dhe ato kundër pronës (–5%). Dënimet për vepra të lidhura me drogën, të cilat kanë shënuar rënie të vazhdueshme që nga viti 2015, u ulën me 10%.
Në kontrast, dënimet sipas Aktit për të Huajt dhe Integrimin u rritën me 17%, duke reflektuar një tendencë në rritje në këtë kategori ligjore.
Gjobat përbëjnë 88% të të gjitha dënimeve të shqiptuara në vitin 2024, duke mbetur mjeti më i përdorur nga drejtësia zvicerane. Në 81% të rasteve, këto gjoba u dhanë me pezullim. Dënimet me burgim përfaqësojnë 12% të totalit dhe, në më shumë se gjysmën e rasteve (59%), ato kanë zgjatur më pak se gjashtë muaj, transmeton albinfo.ch.
Në kategorinë e burgimeve më pak se 6 muaj pa pezullim, rënia ishte veçanërisht e ndjeshme për dënimet shumë të shkurtra. Numri i dënimeve me më pak se 15 ditë ra me 81%, ndërsa ato nga 15 deri në 29 ditë ranë me 76%.
Ky ndryshim përkon me një reformë në Kodin e Procedurës Penale që hyri në fuqi në vitin 2024, e cila kërkon nga prokurorët publikë të marrin sistematikisht në pyetje të pandehurit në rastet kur një urdhër penal mund të çojë në burgim pa pezullim. Kjo masë synon të garantojë të drejtat procedurale dhe të shmangë dënimet automatike pa dëgjimin e të akuzuarve.
Rënia e burgimeve të shkurtra pason gjithashtu një trend afatgjatë të nisur me ndryshimin legjislativ të vitit 2007, i cili kishte për qëllim zëvendësimin e këtyre dënimeve me masa alternative, si gjoba ose shërbim ndaj komunitetit.
Ulja e dënimeve me burgim të shkurtër është shoqëruar me një rritje të ndjeshme të gjobave +1,600 gjoba të vendosura pa pezullim dhe +1,400 me pezullim duke treguar një zhvendosje të vazhdueshme të sistemit penal drejt sanksioneve më të buta dhe të përshtatura, transmeton albinfo.ch.
E-Diaspora
-
NZZ shkruan për ambasadorin e Kosovës në Bern, Mentor Latifin Përkushtimi dhe sfidat e ambasadorit të Kosovës në Zvicër sipas NZZ...
-
Kujdes bashkatdhetarë: Shkeljet në trafik në Kosovë mund t’ju kushtojnë edhe në Zvicër
-
Kosovë: Mërgimtari që voziti trotuarit bëhet viral edhe në Zvicër
-
Doni në garë për çmimin prestigjioz “XY” nga Qeveria gjermane për trimëri qytetare
-
Gzim Hasani, në mesin 20 CEO-ve më me ndikim në Zvicër sipas Handelszeitung
Jeta në Zvicër
-
Zug lufton nxehtësinë urbane me 300 sensorë Qyteti mbledh të dhëna për të luftuar valët e të nxehtit dhe për të përmirësuar planifikimin...
-
Një milioner i ri nga Swiss Lotto, vetëm numri me fat mungonte
-
Fillimi i pushimeve shkon keq: Fluturimi për në Qipro përfundon në Cyrih
-
Shi i rrëmbyeshëm dhe stuhi: Stacioni kryesor i Cyrihut përmbytet pjesërisht
-
Mbingarkesa e hapësirës ajrore rrezikon sigurinë