Lajme
Shqipëri: Lëvizja “Diaspora për Shqipërinë e Lirë” kërkon sqarime urgjente nga KQZ për parregullsitë në votimin e diasporës

Lëvizja “Diaspora për Shqipërinë e Lirë” (DPSHL) ka depozituar një kërkesë zyrtare pranë Komisionerit Shtetëror të Zgjedhjeve, Ilirjan Celibashi, ku ngre një sërë shqetësimesh serioze lidhur me procesin e votimit të diasporës dhe zbatimin e kontratës me kompaninë DHL, raporton albinfo.ch.
Në dokumentin zyrtar, DPSHL thekson se procesi i votimit jashtë vendit, i zhvilluar për herë të parë pas vendimit të Gjykatës Kushtetuese, ka shënuar pjesëmarrje të lartë me mbi 200.000 shtetas që votuan nga jashtë. Megjithatë, organizata nënvizon se ky zhvillim pozitiv është rrezikuar nga një sërë parregullsish të konstatuara në terren, veçanërisht në Greqi, një nga vendet me numrin më të lartë të votuesve.
DPSHL ngre pyetje konkrete mbi mënyrën e zbatimit të kontratës me DHL, përfshirjen e nënkontraktorëve të paautorizuar, shpërndarjen selektive të zarfeve, mungesën e verifikimeve bazë, si dhe mosrespektimin e procedurave standarde. Sipas lëvizjes, rreth 12.000 qytetarë të regjistruar nuk kanë marrë fare zarfin e votimit, ndërsa janë identifikuar edhe raste ku zarfi i një qarku është përfshirë gabimisht në qarkun e një tjetri.
“Transparenca është themeli i besimit publik ndaj procesit zgjedhor,” thuhet në njoftimin e DPSHL, e cila kërkon nga KQZ publikimin e menjëhershëm të të dhënave zyrtare mbi zbatimin e kontratës me DHL, numrin e zarfeve të dërguara dhe të pakthyera, si dhe raportet e mundshme të auditimit të procesit, raporton albinfo.ch.
Organizata kërkon nga Komisioni Qendror i Zgjedhjeve (KQZ) që të ofrojë shpjegime të dokumentuara dhe transparencë të plotë mbi:
Procedurat e ndjekura nga DHL dhe nënkontraktorët e saj
Monitorimin e shpërndarjes dhe kthimit të zarfeve të votimit
Raste të raportuara me parregullsi, përfshirë zarfe të padërguara ose të gjetura në qarqe të gabuara
Masat e marra për zbatimin korrekt të kontratës dhe auditimin e saj
Letra është dërguar për dijeni edhe përfaqësisë së OSBE-së në Shqipëri dhe SPAK, ndërsa DPSHL thekson se do të vijojë të ndjekë nga afër çdo hap të mëtejshëm në funksion të mbrojtjes së votës së qytetarëve jashtë vendit, raporton albinfo.ch.
E-Diaspora
-
Vjedhje me thyerje në Rüti ZH: Arrestohet një kosovar I arrestuari, një 41-vjeçar kosovar, ngarkohet me dyshimin për vjedhje me thyerje. Kërkimi për të arratisurin...
-
Korriku, muaji më i suksesshëm ndonjëherë për Aeroportin Ndërkombëtar të Prishtinës
-
Këln: Endrit Smaili paraqet punim shkencor në Kongresin Ndërkombëtar të Papirologjisë
-
Kulturë dhe miqësi: Austriakët vizitojnë Kosovën
-
Një orë pritje në dalje të pikës Mërdarë
Jeta në Zvicër
-
Aeroporti i Cyrihut regjistron rekord udhëtarësh në muajin korrik Në korrik, më shumë udhëtarë fluturuan përmes Aeroportit të Cyrihut se kurrë më parë, duke vazhduar...
-
Kantoni i Vaudit: Rregulla të reja për telefonat dhe përmirësime në klimën shkollore
-
Zvicra nuk mund të sigurojë çmim fiks për blerjen e avionëve F-35, SHBA refuzon
-
St. Gallen shqyrton bashkimin e policisë së qytetit me atë kantonale
-
Zvicra nën presion tarifor nga SHBA, por qytetarët kundërshtojnë lëshimet