Kosova

Presidentja Osmani: Në Kosovë prodhohen edhe anije

"Një sukses i jashtëzakonshëm e inspirues nga Koshi Group në Prizren, një simbol i vërtetë i inovacionit dhe mjeshtërisë, me krenari i bërë në Kosovë"

E hënë, 23 Qershor 2025 - 21:54 albinfo.ch

“A e keni ditur se në Kosovë prodhohen edhe anije?

Made in Kosova, gati për botën!”. Kështu ka shkruar në një postim të saj në facebook, presidentja e vendit, Vjosa Osmani, pas vizitës që i ka bërë një ndërmarrjeje të suksesshme në Prizren, shkruan albinfo.ch.

“Një sukses i jashtëzakonshëm e inspirues nga Koshi Group në Prizren, një simbol i vërtetë i inovacionit dhe mjeshtërisë, me krenari i bërë në Kosovë. Nga veturat elitare sportive deri te barkat e jahtet më moderne, puna e tyre përfshin industri dhe kontinente të tëra.

Kur talenti kosovar bashkohet me punën e palodhshme dhe inovacionin, nuk ka kufi për atë që mund të arrihet”, thuhet në postimin e presidentes Osmani.