Donald Trump: Javët e fundit u morëm me Indinë dhe Pakistanin, Kosovën dhe Serbinë

Keystone (AP Photo/Julia Demaree Nikhinson)

Presidenti i Shteteve të Bashkuara të Amerikës, Donald Trump, gjatë Samitit të NATO-s që po mbahet në Hagë, teksa tregoi për një telefonatë nga presidenti rus, Vladimir Putin, tha se javët e fundit janë marrë me Indinë dhe Pakistanin, Kosovën dhe Serbinë.

“Më telefoni një ditë dhe më tha ‘A mund të të ndihmojë me Iranin? I thashë ‘Jo, mund të më ndihmosh me Rusinë. Sepse, e dini, javët e fundit u morëm me Indinë dhe Pakistanin. Kosovën, Serbinë. Mendoj se të premten kemi Kongon dhe Ruandën që po vijnë”, ka deklaruar ai, transmeton albinfo.ch.