Xhemaili, “ambasadori më i mirë i Zvicrës në Turqi”

Me rastin e festimit që klubi turk Galatasaray ka bërë për titullin e njëzetë të kampionit, ka rënë në sy Blerim Xhemaili i cili me shumë dashuri e mburrje ka mbajtur në dorë flamurin e Zvicrës.

Duke u nisur nga këto pamje, blick.ch shkruan se futbollistët me prejardhje të huaj zakonisht bëhen temë debati kur bëjnë “probleme” gjegjësisht kur “tregojnë prejardhjen e tyre shqiptare duke bërë shqiponjën me duart e tyre ose kur këndojnë himnin e vendit të prejardhjes dhe nuk duan ta këndojnë atë të Zvicrës”.

Por futbollisti me “rrënjë maqedonase” siç shkruan blick.ch” tregon se sa e do Zvicrën. Në solemnitetin gjigant kushtuar titullit të kampionit të Galatasaray në Stamboll, Blerim Xhemaili e bart flamurin e Zvicrës dhe prezantohet krenar me të. Një ambasador i mrekullueshëm i Zvicrës”.

Duke folur për portalin e përmendur Xhemaili ka thënë: “Ishte një spektakël grandioz! Unë ende nuk kam parë kurrë diçka të krahasueshme me këtë.

---