Gjithçka gati për Kupën e Unionit Shqiptar të Futbollit

Unioni i Klubeve Shqiptare të Futbollit në Zvicër organizon për herë të parë garat për Kupën e Unionit

“Më 27 Qershor të gjithë do të jemi dëshmitarë të fërshëllimës të parë në orën 10.00, kur garat për këtë kupë do të hapen me ndeshjen FC Besa Biel/Bienne – FC Shqiponja Langenthal”, thuhet në një njoftim të UKFSHZ.

Programi përfshin:
09.00-19.00 Kupa e Unionit me ndeshjet e klubeve në 4953 Huttwil.
20.30 koncert me këngëtarët Mimoza Shkodra e Muhamet Sejdiu në Biberena, 4562 Biberist.

Të ftuar janë përfaqësitë diplomatike shqiptare në Zvicër si dhe federatat e futbollit të Shqipërisë dhe Kosovës.

Gjithashtu janë ftuar të gjithë yjet shqiptare të futbollit në Zvicer si: Shaqiri, vëllezërit Xhaka, Memedi, Gashi, Kukeli, Milaim Rama, Hadërgjonaj etj.

Aktiviteti do filmohet e shfaqet nga RTK si dhe mediet e ndryshme shqiptare.

Në emër të kryetarit dhe të kryesisë së UKSHFZ ju urojmë sukses të gjithëve.

Le të jetë një ditë ku klubet shqiptare të tregojnë vlerat dhe disiplinën sportive edhe jashtë atdheut.

Ta shndërrojmë 27 Qershorin në festë, argëtim dhe takim me bashkatdhetarët nga të gjitha trojet shqiptare!”, thuhet në njoftimin e UKFSHZ, të nënshkruar nga Lindim Jusufi, sekretar.