Austri: Rita Ora do të hap sezonin e skive në Ischgl me koncert spektakolar

Mijëra vizitorë pritet të ndjekin koncertin e Rita Orës në Ischgl

 

Sezoni i ri i skive në resortin alpin Ischgl nis në Ischgl më datë 29 nëntor me një ngjarje madhështore: këngëtarja me famë botërore Rita Ora do të performojë në koncertin tradicional Top of the Mountain Opening, transmeton albinfo.at.

Ky eveniment, që prej më shumë se tre dekadash mbledh mijëra vizitorë nga mbarë bota, ka sjellë në skenën e tij emra të njohur si Elton John, Rihanna, Robbie Williams, Pink dhe Lenny Kravitz. Këtë vit, radha është e Rita Orës, e njohur për hitet e saj ndërkombëtare dhe performancat energjike live.

Koncerti do të mbahet në stacionin e luginës së teleferikut Silvretta, duke filluar nga ora 18:00, vetëm dy ditë pas hapjes zyrtare të sezonit në Silvretta Arena. Organizatorët premtojnë një mbrëmje të paharrueshme që bashkon sportin dimëror me muzikën e klasit botëror. /Albinfo.at

---