Franca forcon sigurinë në muze pas grabitjes spektakolare në Luvër

Unsplash

Franca po përgatitet të rrisë ndjeshëm masat e sigurisë në të gjitha vendet e saj kulturore, pas grabitjes së bujshme që ndodhi në Muzeu i Luvrit. Autoritetet franceze konfirmuan të hënën se do të rishikojnë sistemet e mbrojtjes dhe do të ndërmarrin veprime shtesë për të parandaluar ngjarje të ngjashme në të ardhmen.

Një operacion i gjerë kërkimi është në zhvillim për katër personat që dyshohen si organizatorë të grabitjes së ndodhur në mes të ditës. Sipas raportimeve, hajdutët përdorën një vinç për të thyer një dritare në katin e sipërm të ndërtesës, ku më pas vodhën objekte të paçmuara nga sektori ku ruhen xhevahiret e kurorës franceze. Ata arritën të largohen shpejt nga vendi i ngjarjes me motoçikleta.

Kjo grabitje është cilësuar nga disa media si “vjedhja e shekullit” dhe ka bërë jehonë të madhe në mbarë botën. Muzeu, i cili u mbyll menjëherë pas incidentit të dielën në mëngjes, mbeti i mbyllur edhe të hënën për shkak të hetimeve intensive.