Një person dërgohet në spital pas zjarrit në qelinë e burgut në Zvicër

Zjarr në qelinë e burgut të Lenzburgut, një i burgosur në spital

Bëhet e ditur se një zjarr shpërtheu të premten në mbrëmje në një qeli të Burgut Qendror të Lenzburgut, në kantonin e Aargaut. Si pasojë, një i burgosur u dërgua në spital, njoftoi sot policia e kantonit të Aargaut, transmeton albinfo.ch.

Zjarri filloi rreth orës 18:00, por zjarrfikësit arritën ta shuanin shpejt flakën. Rrethanat e incidentit janë ende të paqarta dhe policia ka nisur një hetim.

I burgosuri i qelisë së prekur, një 25-vjeçar algjerian, pësoi lëndime dhe djegie trupi. Të burgosur të tjerë gjithashtu patën probleme me frymëmarrjen dhe u trajtuan në vend nga shërbimet e urgjencës. /Albinfo.ch

---