Gjykata e Apelit në SHBA rrëzon tarifat e Trump

(KEYSTONE/AP Photo/Mark Schiefelbein)

Katër senatorë republikanë iu bashkuan demokratëve në votimin 51-47 për të miratuar rezolutën dypartiake që synon të ndërpresë tarifat e vendosura ndaj aleatëve si Bashkimi Evropian, Japonia dhe Koreja e Jugut.

Megjithatë, Dhoma e Përfaqësuesve nuk pritet ta shqyrtojë këtë masë, pasi udhëheqja republikane ka bllokuar votimet për tarifat e Trump deri në marsin e ardhshëm. Për më tepër, edhe nëse Dhoma miraton këtë rezolutë ose të tjera të ngjashme, Kongresit do t’i duhet një shumicë prej dy të tretash për të anashkaluar një veto presidencial.

Më parë, Trump kishte njoftuar uljen e tarifave ndaj Kinës pas një takimi “shumë të suksesshëm” me Presidentin Xi Jinping në Korenë e Jugut. Ai u tha gazetarëve në bord të Air Force One se SHBA do të reduktonin tarifat për fentanilin me 10 pikë.

Presidenti gjithashtu përmendi se Xi ishte dakorduar të blinte “sasi të mëdha” soje dhe produkte të tjera bujqësore nga SHBA-ja.