Emigrantët e Zvicrës, të integruar mirë në tregun e punës

Emigrantët janë integruar mirë në Zvicër, sipas një krahasimi ndërkombëtar. Sidomos kur është fjala për tregun e punës. Ndërsa sa u përket normave të varfërisë dhe mundësive të shkollimit për emigrantët ka ende vend për përmirësim.

Këtë studim e hedh në dritë Organizata për Bashkëpunim Ekonomik dhe Zhvillim (OECD). Studimi tregon se tri të katërtat e emigrantëve në Zvicër kanë një punë, në krahasim evropian është 62 për qind.

Edhe emigrantët në Zvicër janë duke punuar kryesisht në profesione që përputhen me shkollimin  e tyre. Kjo nuk është evidente në mesin e vendeve anëtare të OECD-së. Mesatarisht, 35 për qind e emigrantëve janë mbikualifikuar për punët e që i bëjnë, ndërsa në Zvicër është 17 për qind.

Kjo pasqyrë e suksesit të emigrantëve në profesionin është reflektuar në bazë të studimit edhe në integrimin e mirë të fëmijëve të tyre.

Pozitive janë edhe përvojat relativisht të rralla të diskriminimit: 9 për qind e emigrantëve ndjehen të diskriminuar, ndërsa Evropa është me 17 për qind.

Megjithatë, emigrantët në Zvicër në këtë krahasim ndërkombëtar janë në disanvantazh në shumë aspekte.
Ata janë të prekur më shpesh nga varfëria dhe jetojnë në kushte të pasigurta.

Prona, pothuajse te çdo i katërti emigrant në Zvicër, e cila është në një kontratë qiraje, nuk përmbush standardet e nevojshme.

Mundësitë e shkollimit lënë për të dëshiruar. Kështu, emigrantët e rinj me një fëmijëri të pafavorshme në shtëpi kanë pak shanse të jenë të suksesshëm në shkollë.  Vetëm 4 për qind prej tyre kanë sukses në shkollë, ndërsa në të gjitha vendet e OECD-së kjo shifër është 10 për qind.

Përqindja e emigrantëve dhe fëmijët e emigrantëve me një diplomë universitare ose me një tjetër diplomë të shkollës është vetëm gjysma më e lartë sesa e atyre pa një sfond emigrimi.