Nxehtësia i bën turet malore më të rrezikshme

Në zona të caktuara, rreziku i rënies së shkëmbinjve po rritet dhe disa pjesë të terrenit mund të bëhen të paqëndrueshme

Klubi Alpin Zviceran (SAC) po u bën thirrje alpinistëve të tregojnë kujdes të veçantë gjatë tureve të tyre nëpër male, për shkak të nxehtësisë. Vera e nxehtë po ndryshon kushtet në malet e larta, transmeton albinfo.ch.

Sipas SAC, çarjet e tokës në male janë të ekspozuara dhe po paraqiten hapje të tokës mbi normalen.

Në zona të caktuara, rreziku i rënies së shkëmbinjve po rritet dhe disa pjesë të terrenit mund të bëhen të paqëndrueshme, shkruan srf.ch. Si rezultat, qasjet dhe rrugët mund të jenë më të vështira se në vitet e kaluara.

Prandaj, SAC rekomandon planifikim të kujdesshëm. Alpinistët duhet të marrin informacion të azhurnuar para se të nisen, për shembull, nga kasollet malore ose zyrat e guidave malore. Ata me pak përvojë duhet të bëjnë ecje me guidat malore.

---