Pse fermerët zviceranë i ngjyrosin patatet për ushqim të kafshëve?

Ngjyrosja e patateve: praktikë e fermerëve zviceranë për ushqimin e kafshëve

Një vit i suksesshëm për patatet ka sjellë një problem të pazakontë në Zvicër: prodhimi ishte aq i madh sa shumë patate nuk përfunduan në tryezën e njerëzve, por në ushqimin e lopëve, përcjell albinfo.ch.

Në stallën e fermerit Andreas Schwab në Walperswil, Bernë, ndodhen tre karroca të mbushura plot me patate. Për shkak të një viti të favorshëm, Schwab mblodhi 240 ton patate, ndërkohë që kishte një kontratë shitjeje për vetëm 200 ton. Patatet e tepërta, rreth 40 ton, i shërbejnë si ushqim për lopët e tij dhe të një kolegu tjetër.

“Është e dhimbshme të vendosësh që patatet t’u shërbejnë kafshëve, por është zgjidhja e dytë më e mirë,” thotë Schwab. Ai merr një kompensim prej rreth 20 frangash për 100 kilogram patate, gjysma e çmimit tregtar.

Para se të përdoren si ushqim për kafshët, patatet kontrollohen nga specialisti Hans Aeschbacher, i cili vlerëson pjesën e patates që është e përshtatshme për konsum njerëzor. Për Schwab, 99% e patateve janë të përdorshme për ushqim, gjë që i siguron pothuajse kompensimin e plotë.

Paratë vijnë nga një fond solidariteti, ku prodhuesit dhe tregtarët e patateve kontribuojnë për të mbështetur fermerët në situata të tilla. Niklaus Ramseyer, president i Shoqatës Zvicerane të Prodhuesve të Patateve, e quan këtë një zgjidhje unike në Zvicër dhe ndoshta edhe në Europë.

Për më shumë detaje – https://www.srf.ch/news/schweiz/zu-gute-kartoffelernte-fertig-pommes-darum-faerben-bauern-kartoffeln-als-viehfutter

---