Lajme

Mbi 7 vjet burg për trafikim me qenie njerëzore dhe prostitucion

Një panel prej pesë anëtarësh, e dënoi shtetasin kinez me 7.5 vjet burg, dënim ky i pasuar me një dëbim 13-vjeçar nga vendi

E premte, 21 Nëntor 2025 - 23:15 albinfo.ch

Një burrë 39-vjeçar kinez u dënua në Bernë për trafikim të qenieve njerëzore dhe promovim të prostitucionit. Ai u akuzua për dhjetë delikte dhe mbi gjashtëdhjetë përpjekje për të joshur punëtorët migrantë kinezë në Zvicër për punë seksuale, transmeton albinfo.ch

Gratë duhej t’u shërbenin deri në dhjetë klientëve në ditë, ndërsa burri diktonte çmimet dhe praktikat. Gratë ishin të vendosura në apartamente Airbnb, ku jetonin njëkohësisht, shkruan srf.ch.

Një panel prej pesë anëtarësh, e dënoi shtetasin kinez me 7.5 vjet burg, dënim ky i pasuar me një dëbim 13-vjeçar nga vendi. Prokuroria kishte kërkuar gjithashtu një dënim me 7.5 vjet burg, por vetëm një ndalim 10-vjeçar nga vendi.

Vendimi nuk është ende ligjërisht i detyrueshëm.