Në Kosovës nis një peticion qytetar për liberalizim të vizave

Më nismën e disa organizatave joqeveritare në shatë qendrat kosovare të martën (sot) nis nënshkrimi i një peticioni nëpërmjet të cilit qytetarët e Kosovës i drejtohen autoriteteve të Bashkimit Evropian dhe Qeverisë së Kosovës, për përshpejtimin e procesit të liberalizimit të vizave.

Sipas një njoftimi që kanë bërë për media këto organizata, mbledhja e nënshkrimeve do të zgjasë dy javë dhe asociacionet partnere të kësaj fushate në ditët e para do të jenë të vendosura  me nga dy pika për mbledhje të nënshkrimeve në secilën nga shtatë komunat më të mëdha të Kosovës.

Komuna e Prishtinës, thuhet në njoftim, do t’i ketë tri pika të vendosjes, ndërsa, ditëve në vijim do të jenë në komunat përreth. Secila nga organizatat partnere në këtë fushatë do t’i ndajë informatat për lokacionet ku do të jenë, nëpërmes mediave dhe rrjeteve sociale.

Organizatat partnere për këtë peticion qytetar, janë: Kosovo 2.0 – Prishtinë, OJQ EC Ma Ndryshe – Prizreni, OJQ Community Building Mitrovica – Mitrovicë, OJQ She-Era – Gjakovë, OJQ Vizioni i Syrit – Pejë, OJQ Network of peace Movement – Gjilan, Iniciativa për Progres INPO – Ferizaj.