Gashi shihet si zëvendësim në Dortmund

Pas largimit të Ciro Immobile nga Borusia Dortmund, drejtuesit e klubit kërkojnë Shkëlzen Gashin.

keystone

Sulmuesi italian, Ciro Immobile, dështoi për t’i treguar vlerat e tij në Borusia Dortmund pas transferimit nga Torino, dhe për këtë arsyeje ai nga sezoni i ri do të luajë për ekipin spanjoll Sevilla.

Tani zyrtarët e klubit verdh e zi janë në kërkim të një lojtari për ta përforcuar sulmin. Sipas “fussballinfos.ch”, thuhet se drejtuesit e klubit ia kanë vënë syrin sulmuesit të kombëtares shqiptare, Shkëlzen Gashi, të cilin e mendojnë si zëvendësuesin ideal për Immobilie, njofton albinfo.ch.

Siç raporton kjo media, drejtuesit e BVB-së janë takuar me Gashin, por ende nuk janë bërë të ditura detajet e takimit.

Shkëlzen Gashi aktualisht është ende lojtar i Baselit, me të cilin ka kontratë deri në vitin 2018.