Arrestohet në Kolumbi “bosi zviceran i drogës”: Paraqitej si shqiptar

Ai ka përdorur identitete të ndryshme, falsifikuara. Në Kolumbi, dyshohet se është paraqitur si një shqiptar i quajtur Xhuti Zuluaga Arsen

Një trafikant i dyshuar zviceran droge i kërkuar nga Interpoli u arrestua në Santa Marta, Kolumbi. Vik G.* akuzohet se është një anëtar kryesor i një rrjeti kriminal, transmeton albinfo.ch.

Vik G. dyshohet se ka drejtuar një rrjet droge në Spanjë. Policia kolumbiane e ka arrestuar atë pas një hetimi gjashtëmujor,

Spanja kishte lëshuar një urdhër arresti nga Interpoli për G. me akuzat për trafik droge dhe anëtarësim në një organizatë kriminale, raporton gazeta spanjolle “El Tiempo”, të cilës i referohen mediat zvicerane. Ai dyshohet se ishte përgjegjës për logjistikën dhe krijimin e laboratorëve të drogës në provincën spanjolle të Valencias brenda organizatës së tij.

Këto laboratorë përpunonin kokainë dhe kanabis.

Shtetasi zviceran thuhet se përdorte identitete të shumëfishta dhe dokumente të falsifikuara. Në Kolumbi, ai dyshohet se është paraqitur si një shqiptar i quajtur Xhuti Zuluaga Arsen, përcjell albinfo.ch.

Sipas drejtorit të policisë kolumbiane, G. u arrestua pas një hetimi gjashtëmujor. “Ne kemi përcaktuar se i dyshuari është udhëheqësi i një rrjeti kriminal ndërkombëtar të dedikuar për trafikimin e drogës në Evropë.” Kolumbia tani po shqyrton ekstradimin në Spanjë.

(Foto: Policia Nacional, Kolumbi)

---