Zvicra refuzon kërkesën e Italisë për hetimin e zjarrit

Hetimi i zjarrit, Zvicra kundër ndërhyrjes së Italisë

Kërkesa e Italisë për t’u përfshirë në hetimin zviceran lidhur me zjarrin tragjik në një bar në Crans-Montana ka shkaktuar reagime të forta në skenën politike zvicerane, përcjell albinfo.ch.

Qeveria italiane ka kritikuar mënyrën se si autoritetet e kantonit Valais po e trajtojnë hetimin për zjarrin e ndodhur më 1 janar, ku humbën jetën disa shtetas italianë. Për këtë arsye, Roma ka shprehur dëshirën që të marrë pjesë drejtpërdrejt në procesin hetimor.

Megjithatë, kërkesa e Italisë nuk ka gjetur mbështetje në Bernë. Deputetë nga e majta dhe e djathta politike janë të një mendimi: ndërhyrja e një shteti të huaj në një hetim të brendshëm konsiderohet e papranueshme.

“Të sugjerosh se drejtësia jonë nuk funksionon si duhet dhe se Italia duhet të vijë për të na ndihmuar është fyese,” deklaroi deputeti Mauro Poggia, duke reflektuar qëndrimin e shumicës së kolegëve të tij në parlament. /Albinfo.ch

---