Nuk ka refugjatë të klasit të parë dhe të dytë

Azikërkuesit nga vendet me fare pak ose aspak gjasa qëndrimi në Gjermani, sikundër janë, para së gjithash ata nga Ballkani, duhet të mbeten në qendrat e landeve deri sa të merret vendimi për ta

Drejtori i Zyrës Federale për Migracion dhe Refugjatë (BAMF) Manfred Schmidt ka marrë në mbrojtje qendrat e pranimit të refgjatëve qe janë hapur enkas për të pranuar azilkërkuesit nga vendet e Ballkanit.

Ai ka thënë se ajo që habit në këtë rast është fakti se vetëm në Bavari diskutohen dhe kntestohen këto qendra ndërkohë që ato janë hapur edhe në lande të tjera, shkruan dpa. Bavaria vetëm sa ka zbatuar një vendim që e kanë marrë së bashku të gjithë kryeministrat e landeve, ka thënë Schmidt. E ky vendim kërkonte të përqendrohemi në vendet e prejardhjes me kuota të ulëta të njohjes së azilit.

Nisur nga kjo, azikërkuesit nga vendet me fare pak ose aspak gjasa qëndrimi në Gjermani, sikundër janë, para së gjithash ata nga Ballkani, duhet të mbeten në qendrat e landeve deri sa të merret vendimi për ta. Në rast të një refuzimi, ata nga qendrat ku janë vendosur mund t`i kthejmüe më shpejtë në vndet e prejardhjes. Kjo s ka të bëjë asgjë e refugjatë të klasës së parë dhe të dytë“