Filharmonia e Kosovës mban sonte koncertin “Kosova18” në Varshavë

Pas koncertit, Arben Llapashtica prezanton ekspozitën me 18 fotografi për 18 vitet e shtetit

Sonte në Varshavë, Filharmonia e Kosovës do të mbajë koncertin “Kosova18”, në kuadër të aktiviteteve që shënojnë 18-vjetorin e shtetësisë së Kosovës, shkruan albinfo.ch.

Koncerti do të sjellë para publikut polak dhe ndërkombëtar vepra nga repertori muzikor kosovar, duke promovuar kulturën dhe artin e vendit në arenën ndërkombëtare.

Pas koncertit, fotografi Arben Llapashtica do të prezantojë ekspozitën e tij me titull “Një copëz e Kosovës”, e përbërë nga 18 fotografi simbolike që përfaqësojnë 18 vitet e shtetësisë së Kosovës.

 

 

Aktiviteti synon të ndërthurë muzikën dhe artin pamor, duke ofruar një prezantim të shumëanshëm të identitetit kulturor të Kosovës në Poloni./Albinfo.ch

---