Shqiptari i zhdukur në Gjermani kthehet sërish në shtëpi

As kërkimet me helikopter dhe as me qen nuk ishin të suksesshme për të rënë në gjurmët e shqiptarit të zhdukur prej më se një muaj në Obernhaues të Gjermanisë. Por, tash burrin 41-vjeçar e ka gjetur policia gjermane në Essen, raporton “derwesten.de”.

Për shqiptarin e zhdukur në Obernhausen të Gjermanisë kishte raportuar edhe albinfo.ch. Fati i zhdukjes së tij u bë temë diskutimi edhe nëpër mediet gjermane. Policia gjermane kërkoi ndihmën e qytetarëve, duke publikuar biografi dhe një fotografi të tij.
Atë e kërkuan edhe me helikopter dhe me qen, por të gjitha këto nuk sollën sukses. Pas afro një muaj kërkimi, ai u gjet nga policia e qytetit Essen, përcjell albinfo.ch.

Burri 41-vjeçar herën e fundit ishte parë më 17 korrik të këtij viti në spitalin e Obernhaus Johanniter. Shqiptari, i cili nuk e njihte mirë gjuhën gjermane dhe për më tepër nuk guxonte të rrinte pa përdorimin e medikamenteve mjekësore, pas gjetjes së tij është rikthyer sërish nën kujdesin e mjekëve.