Arrestohet një i dyshuar për krime lufte në Kaçanik

Prokuroria Speciale dhe Policia e Kosovës sekuestruan armë dhe uniforma gjatë arrestimit, ndërsa riafirmojnë angazhimin për ndjekjen e krimeve të luftës.

Një person është arrestuar nën dyshimin për kryerjen e veprës penale “krime lufte kundër popullsisë civile”, konfirmoi Prokuroria Speciale e Republikës së Kosovës, përcjell albinfo.ch.

Sipas njoftimit, i arrestuari, i identifikuar me inicialet A.D., dyshohet se ka kryer krime lufte në fshatin Ivajë dhe zonat përreth në Komunën e Kaçanikut.

Gjatë zbatimit të urdhrit të kontrollit, hetuesit sekuestruan:

• Një armë,

• Dy karikatorë,

• 30 fishekë,

• Një armë gjuetie ajrore,

• Një uniformë e MUP-it serb.

Prokuroria dhe Policia e Kosovës riafirmuan angazhimin e tyre për ndjekjen penale dhe hetimin e të gjitha rasteve të krimeve të luftës gjatë konfliktit të fundit në Kosovë./Albinfo.ch 

---