Tirana zyrtare mbështet studentët shqiptarë në Shkup: E drejta për provim në gjuhën shqipe duhet të respektohet

Foto FB: Aromat

Qeveria shqiptare dhe Ministria e Punëve të Jashtme kanë shprehur mbështetjen e plotë për studentët shqiptarë në Maqedoninë e Veriut, të cilët kërkojnë të japin provimin e jurisprudencës në gjuhën shqipe, një të drejtë e garantuar nga Kushtetuta.

Ministri i Punëve të Jashtme, Ferit Hoxha, theksoi se Tirana ndihet e shqetësuar për çdo pengesë që u vendoset studentëve shqiptarë dhe u bën thirrje institucioneve maqedonase që të respektojnë ligjin dhe të sigurojnë mundësi të barabarta për të gjithë studentët, transmeton albinfo.ch.

Deklarata e Tiranës vjen pas protestës në Shkup, ku qindra studentë dhe qytetarë shqiptarë kërkuan dorëheqjen e kryeministrit Hristijan Mickoski dhe të ministrit të Drejtësisë Igor Filkov, duke u fokusuar në të drejtën e përdorimit të gjuhës amtare në arsimin e lartë.