Serbia i kërkon Zvicrës ndihmë financiare për refugjatët

An der Zugstation von Gevgelija harren tausende Menschen auf den Zug aus, der sie an die serbische Grenze bringen soll.

E ballafaquar me krizën e refugjatëve, Serbia ka kërkuar ndihmë financiare nga Zvicra. Siç shkruan gazeta “NZZ am Sonntag”, ambasadorja e këtij vendi në Zvicër i ka drejtuar Ministrisë së jashtme të Zvicrës (EDA) një lutje përkatëse.

Bazuar në këtë komunikim, javën që vjen do të zhvillohet një takim lidhur me këtë temë në mes të përfaqësuesve të dy vendeve.
Lartësia e ndihmës së kërkuar financiare nuk është precizuar, njofton EDA. Por ajo që dihet, me paratë zvicerane do të duhej të mbështeteshin organizatat humanitare në Ballkan që merren me refugjatët.

Siç dihet, Zvicra kultivon partneritet në fushën e migracionit me vendet ballkanike si Bosnja, Serbia dhe Kosova. Me këto vende ajo ka nënshkruar edhe marrëveshjet përkatëse.