Shqiptari Kristian Prenga përballet në ring me ish-kampionin e botës Anthony Joshua

Boksieri shqiptar sfidon ish-kampionin e botës në një ndeshje të madhe më 25 korrik

Boksieri shqiptar i peshave të rënda, Kristian Prenga, do të përballet me ish-kampionin e botës Anthony Joshua më 25 korrik në Riad, në një meç që pritet të tërheqë vëmendje të madhe ndërkombëtare, përcjell albinfo.ch.

Joshua, i cili po rikthehet në ring pas një pauze, tha se ndihet i përgatitur për këtë fazë të re të karrierës së tij dhe se është i kënaqur me marrëveshjen e re për disa ndeshje. Ai theksoi se synon të vazhdojë rrugëtimin e tij drejt majës së boksit profesional.

Nga ana tjetër, Kristian Prenga është shprehur i bindur në aftësitë e tij, duke deklaruar se është i gatshëm për një fitore të madhe dhe se kjo përballje mund të ndryshojë rrjedhën e karrierës së tij dhe të kundërshtarit.

Pas këtij meçi, Joshua pritet të përballet me një tjetër duel të madh, atë ndaj britanikut Tyson Fury, një ndeshje e shumëpritur mes dy ish-kampionëve të botës në peshat e rënda që nuk janë përballur më parë në ring.

Sipas promotori Eddie Hearn, marrëveshja për meçin Joshua–Fury tashmë është nënshkruar, duke hapur rrugën për një nga përballjet më të mëdha në historinë e boksit profesionist./Albinfo.ch

---