Valët e të nxehtit po bëhen “normaliteti i ri” në Zvicër

Sipas të dhënave të observatorit evropian të klimës Copernicus, maji i vitit 2026 ishte muaji i dytë më i nxehtë i regjistruar ndonjëherë në Evropë, duke u renditur vetëm pas majit 2024

Zvicra po përballet me një fillim të pazakontë të sezonit të nxehtë, ndërsa ekspertët paralajmërojnë se valët e të nxehtit po bëhen gjithnjë e më të shpeshta, më intensive dhe po shfaqen më herët gjatë vitit.

Sipas të dhënave të observatorit evropian të klimës Copernicus, maji i vitit 2026 ishte muaji i dytë më i nxehtë i regjistruar ndonjëherë në Evropë, duke u renditur vetëm pas majit 2024, transmeton albinfo.ch.

Të dhënat tregojnë gjithashtu se temperaturat gjatë natës në Zvicër kanë qenë jashtëzakonisht të larta. Specialistët e klimës theksojnë se ngrohja globale po sjell valë të nxehti më të hershme dhe më të forta, duke e bërë motin ekstrem gjithnjë e më të zakonshëm.

Sipas MeteoSwiss, ditët shumë të nxehta dhe netët tropikale janë rritur ndjeshëm në dekadat e fundit. Instituti paralajmëron se me vazhdimin e ngrohjes globale, ngjarjet ekstreme të nxehtësisë mund të bëhen disa herë më të shpeshta deri në fund të shekullit.

Ekspertët paralajmërojnë se temperaturat e larta nuk ndikojnë vetëm në komoditetin e qytetarëve, por edhe në shëndetin publik, bujqësi, furnizimin me ujë dhe infrastrukturën. Veçanërisht të rrezikuara janë qytetet, ku efekti i “ishullit të nxehtësisë urbane” e mban temperaturën të lartë edhe gjatë natës.

---