Fishekzjarrët mund të ndalohen për Festën Kombëtare të 1 Gushtit

Vala e të nxehtit dhe thatësira e vazhdueshme po rrisin rrezikun e zjarreve, ndërsa gjithnjë e më shumë kantone po vendosin ndalime për fishekzjarrët.

Nëse vala e të nxehtit dhe thatësira vazhdojnë edhe gjatë këtij muaji, shumë komuna në Zvicër mund të ndalojnë përdorimin e fishekzjarrëve tradicionalë gjatë Festës Kombëtare të 1 Gushtit, transmeton albinfo.ch.

Gjithnjë e më shumë kantone po vendosin ndalime për fishekzjarrët për shkak të thatësirës së vazhdueshme dhe rrezikut në rritje nga zjarret në natyrë.

Sipas shërbimit meteorologjik MeteoSwiss, mungesa e reshjeve të konsiderueshme, të cilat nuk pritet të ndodhin në ditët në vijim, do të thotë se situata e thatësirës nuk ka gjasa të përmirësohet ndjeshëm para festës kombëtare të Zvicrës më 1 gusht. /Albinfo.ch

---