Më 1 gusht Zvicra do të fillojë natyralizimin e dixhitalizuar

Sistemi i ri fillimisht do të testohet me disa kantone gjatë një faze pilot. Pas përfundimit të fazës pilot, kantonet e mbetura do të lidhen me sistemin

Këshilli Federal do të dixhitalizojë proceset që lidhen me aplikimet për natyralizim, duke filluar nga 1 gushti.

“Në të ardhmen, komunikimi midis autoriteteve kantonale përgjegjëse dhe Sekretariatit Shtetëror për Migracionin (SEM) mund të zhvillohet në mënyrë dixhitale në vend të postës”, thuhet në një deklaratë përkatëse, transmeton albinfo.ch.

Me këtë projekt dixhitalizimi, Këshilli Federal synon jo vetëm të optimizojë komunikimin, por edhe transmetimin e aplikimeve për natyralizim. Këto do të dorëzohen nëpërmjet një ndërfaqeje të re të Sistemit Qendror të Informacionit për Migracionin (ZEMIS).

Sistemi i ri fillimisht do të testohet me disa kantone gjatë një faze pilot. Pas përfundimit të fazës pilot, kantonet e mbetura do të lidhen me sistemin.

---