A do ta shkarkojë u.d. presidentja Osmani Valdete Dakën?

Ushtruesja e detyrës së presidentes, Vjosa Osmani, ka kritikuar Komisionin Qendror Zgjedhor, e sidomos kryetaren e saj, Valdete Daka.

Ajo në një adresim para pak minutash, ka thënë se nëse ndodh që partitë dhe qytetarët, sipas saj, të ballafaqohen sërish me atë çfarë ndodhi të premten, kur disa parti nuk u certifikuan, do të detyrohet të marrë të gjitha masat sipas përgjegjësive që ka dhe të cilat i parasheh Kushtetuta.

“Do të detyrohem të marr të gjitha masat për mbrojtjen e integritetit të KQZ-së dhe të këtij procesi zgjedhor, ashtu siç e parasheh Ligji për zgjedhjet dhe Kushtetuta e vendit. Mbajtja e zgjedhjeve të lira është parakusht i funksionimit demokratik të një vendi. Prandaj, këtë test të demokracisë duhet ta kalojmë të gjithë së bashku me besim dhe maturi”, ka thënë Osmani, raporton koha, transmeton Albinfo.ch.

Ajo ka kritikuar kryetaren Daka se nuk është e thirrur të shtyjë përpara agjenda partiake dhe të ngre kurthe për partitë e tjera.

LEXO EDHE: Pas AAK-së, edhe Nisma ankohet në PZAP për moscertifikim

Të premten, KQZ-ja nuk miratoi listat e disa subjekteve politike, me arsyetimin se është bazuar në aktgjykimin e fundit të Kushtetueses, që nuk lejon kandidimin e atyre që janë të dënuar për vepra të ndryshme penale në tre vjetët e fundit.

Ky vendim ka prekur edhe VV-në, pasi lideri i saj, Albin Kurti, është i dënuar me kusht për hedhje të gazit lotsjellës në Kuvend.

Vjosa Osmani me iniciativën e saj qytetare i është bashkuar VV-së për zgjedhjet e 14 shkurtit.

Edhe listat e AAK-së, Nismës dhe disa subjekteve më të vogla nuk u certifikuan. Shumë prej tyre sot kanë shtruar ankesa në Panelin Zgjedhor për Ankesa e Parashtresa

LAJME INTERESANTE NGA INTERNETI