Lajme

A do të festohet këtë vit Halloween-i?

E premte, 16 Tetor 2020 - 18:45 albinfo.ch
Keystone

31 tetori, që njihet botërisht si Dita e shpirtërave të ligj apo Halloweeni, këtë vit e ka gjetur botën në një gjendje ndryshe.

Pandemia mbase do të kushtëzojë festimin e Halloween-it në shumë vende të botës, bazuar në situatën me koronavirus.

Një nga këto vende është Italia, ku nuk pritet të mbahet kjo festë.

Këtë e ka bërë me dije guvernatori rajonal italian, Vincenzo De Luca, i cili ka thënë se për shkak të grumbullimeve masive që ndodhin në këtë natë, do të ketë një shtetrrethim, raporton Reuters.

Luca këtë datë e ka quajtur “një budallallëk i madh amerikan”, duke shtuar se mbyllja gjatë kësaj nate do të ndodhë nga ora 22:00.

“Halloween është një marrëzi e madhe. Një marrëzi amerikane që ne e kemi importuar në vendin tonë”, ka shtuar ai.

Italia ditëve të fundit ka shënuar rekord të rastesh me koronavirus që nga fillimi i pandemisë. Autoritetet italiane raportuan të enjten 8.804 raste pozitive me COVID-19.

 Të ngjashme

Valdrin Gashi, një kosovar në skenat italiane të operës

 Të tjera nga Lajme

Kosova jashtë FARA-s amerikane për gati dy vjet

 E-Diaspora

 Jeta në Zvicër