A do të jetë Vjosa Osmani kandidate për kryeministre e LDK-së?

Abdixhiku nuk e përjashton Osmanin: Mund të jetë kandidate e LDK-së në zgjedhjet e reja

Kryetari i Lidhjes Demokratike të Kosovës (LDK), Lumir Abdixhiku, ka komentuar mundësinë që ish-Presidentja Vjosa Osmani të jetë bartëse e listës së LDK-së në zgjedhjet e reja të jashtëzakonshme, përcjell albinfo.ch.

Abdixhiku nuk e përjashtoi një mundësi të tillë, por theksoi se ende nuk ka një vendim përfundimtar dhe se për këtë çështje duhet të ketë diskutime të drejtpërdrejta me Osmanin.

“Me siguri do të jetë dhe mund të jetë kandidate për presidente, por për këtë çështje më lejoni të diskutoj me të, duke qenë se s’është subjekt i diskutimit sot këtu dhe duhet ta pyesni edhe atë”, ka deklaruar Abdixhiku.

Deklarata e tij vjen në kohën kur vendi pritet të shkojë drejt zgjedhjeve të reja, pas shpërndarjes së Kuvendit dhe dështimit për zgjedhjen e Presidentit./Albinfo.ch

---