Lajme
Abazoviç: Diaspora në SHBA është një perlë që duhet investuar në Mal të Zi
Mësohet se delegacioni malazez, i kryesuar nga zëvendëskryeministri i Malit të Zi, Dritan Abazoviç dhe ministri i Punëve të Jashtme, Gjorgje Raduloviç, mbas vizitës së tyre në Uashington qëndruan edhe në Nju-Jork, ku dje u pritën nga kryeparalamentari i Asamblesë së Përgjithshme të OKB-së, zoti Abdulom Shahidom.
Zëvendëskryeministri i Malit të Zi, Dritan Abazoviç dhe ministri i Punëve të Jashtme, Gjorgje Raduloviç, ishin në këtë takim me ftesën e organizatës Rrënjët Shqiptare (Marko Kepi dhe Xhemo Lanica), dhe mirëpritën ngrohtësisht mbrëmë në lokalin “Trattoria Toskana” në Staten Island – New York, nga një grup shqiptarësh të Malit të Zi, që jetojnë dhe punojnë prej vitesh në SHBA, përfaqësues dhe aktivistë të komunitetit, kryesisht nga qytetarë që kanë emigruar në periudha të ndryshme nga Ulqini, Bari, Tuzi, Kraja, Ana Malit, Plava dhe Gusia.
-“Diaspora jonë në SHBA është një perlë, jo e “shfrytëzuar” ashtu si duhet deri tani. Ne dëshirojmë që kjo diasporë kaq e fuqishme sa është diaspora shqiptare në Amerikë, të investojnë edhe më shumë në Mal të Zi, dhe vendorigjinën e tyre. Shteti duhet ta vlerësojë atë më shumë sesa ka qenë e vlerësuar, nderuar dhe e respektuar deri më tani”, deklaroi zëvendëskryeministri i Malit të Zi, Dritan Abazoviç.
Ndërkohë, që ministri i Jashtëm i Malit të Zi, Gjorgje Raduloviç, tha se “Qeveria e Malit të Zi tashmë është më se e përkushtuar me të gjitha kapacitetet e saj për të shtuar marrëdhëniet me emigrantët, gjë të cilën kjo qeveri e ka edhe në prioritet të programit të saj”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?