Aeroporti i Cyrihut mbetet më i miri në Evropë

"Aeroporti më i mirë evropian" në kategorinë "25-40 milionë pasagjerë"

Këshilli Ndërkombëtar i Aeroporteve (ACI) e ka shpallur edhe një herë aeroportin më të madh të Zvicrës si “Aeroporti më i mirë evropian” në kategorinë “25-40 milionë pasagjerë”, njofton albinfo.ch.

Çmimi njeh aeroportet në mbarë botën të cilat, bazuar në opinionin e pasagjerëve, ofrojnë shërbimet më të mira në 34 kategori të ndryshme, duke përfshirë infrastrukturën, kontrollin e sigurisë, objektet e hotelierisë dhe masat higjienike.

“Aeroporti i Cyrihut arrin të përshtatet në mënyrë fleksibile me rrethanat dhe të vendosë nevojat e pasagjerëve të tij në radhë të parë”, tha menaxhmenti i aeroportit në një deklaratë për shtyp.

Kujtojmë se Cyrihut tashmë i është dhënë ky titull në 2006, 2008, 2018, 2019 dhe 2020, shkruan tutje albinfo.ch.

 

---