Aeroporti i Cyrihut: Sekuestrohen 47 kg kokainë, arrestohen pesë shqiptarë

Të arrestuarit janë të moshës 25 deri në 40 vjeç, të gjithë me shtetësi shqiptare dhe banues jashtë vendit.

Në bashkëpunim me Zyrën Federale të Doganave dhe Sigurisë Kufitare, Policia e Kantonit të Cyrihut ka kapur rreth 47 kilogramë kokainë në aeroportin e Cyrihut të dielën (7 korrik 2024) dhe më pas ka arrestuar pesë autorë të këtij transporti.

Gjatë kontrollit të një bagazhi, punonjësit e Zyrës Federale të Doganave dhe Sigurisë Kufitare kanë gjetur një sasi të madhe kokaine, transmeton albinfo.ch.

Hetimet nga policia kantonale e Cyrihut, e cila është thirrur menjëherë, çuan në sekuestrimin e gjithsej 47 kilogramë kokaine dhe arrestimin e pesë të dyshuarve për shitje droge, shkruan polizeinews.ch.

Të arrestuarit janë të moshës 25 deri në 40 vjeç, të gjithë me shtetësi shqiptare dhe banues jashtë vendit.

Pas marrjes në pyetje nga policia, ata janë dërguar në prokurorinë publike përgjegjëse.

 

---