Afera Falciani: Manipulim i dosjeve informative

Dosjet që iu kanë kthyer Zvicrës nga shteti francez kanë pësuar ndryshime

Në vitin 2009, Hervé Falciani, një bashkëpunëtor i filialit të bankës HSBC në Gjenevë, kishte vjedhur të dhëna të ndieshme bankare për klientët francezë të kësaj banke në Zvicër dhe ua kishte dorëzuar ato autoriteteve tatimore franceze. Vendosshmëria e autoriteteve franceze për shfrytëzimin e këtyre të dhënave kishte provokuar reagimin e autoriteteve zvicerane, duke marrë kështu përmasa të një afere shteti. Zvicra i kishte kërkuar Francës një kopje «forensike» të dhënave të vjedhura në fjalë. Kjo e fundit, pas mbi një viti, ia ka kthyer Zvicrës një kopje të thjeshtë harddisku të të dhënave në fjalë dhe ku, pas një ekspertize nga Policia federale e drejtësisë, konstatohen ndryshime në dosje, pra të dhënat në fjalë mund të kenë pësuar ndryshime.  Me fjalë të tjera, në mediet franceze hidhen dyshime se dikush ka mundur t’i ndryshojë të dhënat për të fshehur emrat e ndokujt në Francë ? Megjithatë, hapja e një hipoteze të tillë në një kontekst zgjedhor në Francë do të duhej të merret me rezervë. Në lidhje me çështjen në fjalë, në muajin shkurt të këtij viti instanca më e lartë franceze i ka dhënë arsye Zvicrës pas anulimit të një bastisjeje të autoriteteve tatimore franceze në shtëpinë e një qytetari francez, me arsyen se ajo bazohej mbi një informatë të marrë në mënyrë ilegale (të vjedhur).