“Airbus” kërcënon me largim në rast të një Brexit-i pa marrëveshje

Kompania e aeronautikës, “Airbus” paralajmëroi autoritetet britanike për vendimin se në rast të një Brexit pa marrëveshje, kompania do të largojë selinë e saj nga vendi.

“Ky është një turp që, më shumë se dy vite pas rezultatit të referendumit të vitit 2016, sipërmarrjet nuk mund të planifikojnë me korrektësi të ardhmen”, theksoi Tom Enders në një mesazh video të publikuar nga kompania europiane e aeronautikës, shkruan AlsatM, përcjell albinfo.ch.

I vendosur në vendet kryesore europiane, “Airbus” punëson më shumë se 14 000 persona në Britaninë e Madhe ku prodhon krahët e avionëve të tij dhe aktiviteti i kësaj kompanie ka peshë të madhe në këmbimet ndërkufitare.