Aksion i madh policor në kërkim të të dyshuarve për terrorizëm

(KEYSTONE)

Policia kantonale dhe Zyra Federale e Policisë (fedpol) kanë bastisur disa shtëpi dhe një xhami në Ticino.

Një person është arrestuar, informoi Prokurori i Përgjithshëm, përcjell albinfo.ch.

Në aksion ishin përfshirë edhe prokurorë federalë dhe nga kantoni i Ticinos, dhe mbi 100 policë.

Bëhet fjalë për një aksion në kërkim të dyshuarve të organizatave të ndaluara terroriste Al Kaeda dhe të Shtetit Islamik ISIS, që janë rekrutuar në Ticino.

Sipas Prokurorëve është iniciuar procedura penale kundër një qytetari me shtetësi të dyfishtë zvicerane dhe turke dhe kundër një shtetasi turk.

Bastisjet e shtëpive janë kryer në kuadër të procedimeve penale të Prokurorit të Përgjithshëm.

Prokurori i Përgjithshëm nuk ka saktësuar nëse personi i arrestuar të mërkurën në Ticino është një nga personat ndaj të cilëve është iniciuar procedura penale.